2019 மற்றும் 2020 காலகட்டத்தில் இலங்கையின் வரவு செலவுத் திட்டப் பற்றாக்குறை இரண்டு மடங்காக அதிகரித்துள்ளது. வரவு செலவுத் திட்டப் பற்றாக்குறை 2019 ல் ரூபா 1,016 பில்லியனில் இருந்து 2020 ல் ரூபா 200 பில்லியனாக உயர்ந்துள்ளது, இது ரூபா 1,074 பில்லியன் எனும் அதிகரிப்பு ஆகும். வரவு செலவுத் திட்டப் பற்றாக்குறையின் அதிகரிப்புக்கு  ரூபா 526 பில்லியன் வருமான வீழ்ச்சி மற்றும் ரூபா 548 பில்லியன் செலவின அதிகரிப்பு என்பன காரணமாக இருக்கலாம்.

அரச வருமானத்தில் வீழ்ச்சி

அரச வருமானத்தில் வீழ்ச்சி ஏற்பட முக்கிய காரணம், பெறுமதி சேர் வரி (ரூபா 210 பில்லியன்), மோட்டார் வாகனத்தின் மீதான உற்பத்தி வரி (ரூபா 82 பில்லியன்), தேச கட்டுமான வரி (ரூபா 68 பில்லியன்) நிறுவன வருமான வரி (ரூபா 46 பில்லியன்), நிறுத்தி வைத்தல் வரி (ரூபா 40 பில்லியன்), பொருளாதார சேவை கட்டணம் (ரூபா 40 பில்லியன்) மற்றும் உழைக்கும் போதே செலுத்தும் வரி (ரூபா 34 பில்லியன்)போன்ற வரிகளின் சேகரிப்பில் ஏற்பட்ட குறைவே ஆகும். இருப்பினும், சிறப்பு பண்டைத் தீர்வை  (ரூபா 12 பில்லியன்) மற்றும் இறக்குமதித் தீர்வைகள் (ரூபா16 பில்லியன்) ஆகியவற்றிலிருந்தான வரி வருமானத்தில் மிதமான அதிகரிப்பு இருந்துள்ளது. வருமான  மாற்றங்கள் பற்றிய முழுமையான விவரங்கள் பின்வருமாறு, (அட்டவணையின் இணைப்பு கீழே தரப்பட்டுள்ளது)

2019 ஆம் ஆண்டின் பிற்பகுதியில் வருமான வீழ்ச்சிக்கு பங்களித்த  பல முக்கிய வரி கொள்கை மாற்றங்களும் இருந்தன என்பதை கவனத்தில் கொள்ள வேண்டும். முக்கிய வரி கொள்கை மாற்றங்களாவன:

1. தேச கட்டுமான வரி, பொருளாதார சேவை கட்டணம் மற்றும் உழைக்கும் போதே செலுத்தும் வரி ஆகியவற்றை நீக்குதல்.
2. குடியிருப்பாளர்களுக்கு நிறுத்தி வைத்தல் வரி விலக்கு அளிக்கப்பட்டது.
3. நிலையான நிறுவன வருமான வரி வீதமானது  28 சதவீதத்திலிருந்து 24 சதவீதமாகக் குறைக்கப்பட்டதோடு  கட்டுமானம் மற்றும் உற்பத்தி போன்ற துறைகளுக்கான வரி வீதங்களும் குறைக்கப்பட்டு, தகவல் தொழிநுட்பம் (IT) மற்றும் விவசாயம் போன்ற ஏனைய துறைகளுக்கு வரி விலக்கு அளிக்கப்பட்டது.
4. பெறுமதி சேர் வரி (நிதி சேவைகள் தவிர) 15 சதவீதத்திலிருந்து  8 சதவீதமாகக் குறைக்கப்பட்டதோடு  VAT பதிவுக்கான தொடக்கநிலையானது காலாண்டுக்கு ரூபா 3 மில்லியனிலிருந்து (ஆண்டுக்கு ரூபா 12 மில்லியன்) இலிருந்து ரூபா 75 மில்லியனாக (ஆண்டுக்கு ரூபா 300 மில்லியன்) உயர்த்தப்பட்டது.

மேலும், 2020 ஏப்ரல் மாதம் முதல் பெரும்பாலான மோட்டார் வாகன இறக்குமதிகளை அரசாங்கம் தடைசெய்தது, இது மோட்டார் வாகனங்களுக்கான உற்பத்தி வரியை கணிசமாகக் குறைக்க வழிவகுத்தது.

அரச செலவினங்களில்  அதிகரிப்பு

அரச செலவினங்களிலான அதிகரிப்பு முக்கியமாக; மூலதனச் செலவினம் (ரூபா 176 பில்லியன்), மாற்றல் கொடுப்பனவுகள் (ரூபா 166 பில்லியன்), சம்பளங்களும் படிகளும் (ரூபா 108 பில்லியன்) மற்றும் வட்டி கொடுப்பனவுகள் (ரூபா 79 பில்லியன்) போன்ற செலவினங்களில் ஏற்பட்ட அதிகரிப்பாகும். செலவின மாற்றங்கள் பற்றிய முழுமையான விவரங்கள் பின்வருமாறு, (அட்டவணையின் இணைப்பு கீழே தரப்பட்டுள்ளது)

2020 நவம்பர்  மாதத்தில் சமர்ப்பிக்கப்பட்ட 2021 வரவு செலவுத் திட்டத்தில், சமுர்த்தி மாநில அமைச்சின் ஊடாக கோவிட் -19 நிவாரண உதவிகளை வழங்குவதற்காக அரசாங்கமானது ரூபா 35 பில்லியனை ஒதுக்கீடு செய்தது. மேலும், அரசினால் மேற்கொள்ளப்பட்ட்ட 160, 000 திறனற்ற ஊழியர்கள் மற்றும் வேலையில்லாத பட்டதாரிகளின் நியமனமானது ஆண்டொன்றுக்கு ரூபா 65 பில்லியன் எனும் மேலதிக செலவினங்களை ஏற்படுத்தியது.

(பார்க்கவும், https://publicfinance.lk/en/topics/New-Government-Recruitment-Schemes:-An-increased-burden-on-taxpayers-1620677894)

குறிப்பு:2020 ஆம் ஆண்டின் ஆண்டறிக்கையின் படி  2020 மற்றும் 2019 க்கான வரவு செலவுத் திட்ட  பற்றாக்குறை புள்ளிவிவரங்கள் ஒன்றுக்கொன்று வேறுபடுகின்றன, ஏனெனில் மத்திய வங்கியின் எண்கள் முந்தைய ஆண்டுகளுடன் ஒத்துப்போகவில்லை, எனவே அவற்றை பல ஆண்டுகளுடன் ஒப்பிட்டுப் பயன்படுத்த முடியாது. இது பற்றிய மேலதிக விவரங்களுக்கு எங்கள் முந்தைய விளக்கங்களை பார்க்கவும் https://publicfinance.lk/en/topics/2020-Records-the-Highest-Budget-Deficit-Since-1982-1620901757  

*அரச வருமானத்தை விட அரச செலவினம் அதிகமாக இருக்கும் போது வரவு செலவுத் திட்டப் பற்றாக்குறை ஏற்படுகிறது.

மூலம்: ஆண்டறிக்கை (2020), இலங்கை மத்திய வங்கி

அட்டவணை 2: அரச செலவினம் (2019 மற்றும் 2020)

பெறுமதிகள் ரூபா மில்லியனில்

அட்டவணை 2: அரச செலவினம் (2019 மற்றும் 2020)

பெறுமதிகள் ரூபா மில்லியனில்

மூலம்: ஆண்டறிக்கை (2020), இலங்கை மத்திய வங்கி