2020 සඳහා රජයේ වියදම රුපියල් බිලියන 3,340 ක් (දළ දේශීය නිෂ්පාදිතයෙන් 23.1%) වන අතර 2019 සඳහා වන වියදම රුපියල් බිලියන 2,915 ක් (දළ දේශීය නිෂ්පාදිතයෙන් 19.4%) වේ. මෙම සංඛ්‍යා මහ බැංකුවේ 2020 වාර්ෂික වාර්තා සංඛ්‍යාලේඛනවලට වඩා වෙනස් වන අතර එමඟින් 2020 සහ 2019 වර්ෂවලදී රජයේ වියදම් සඳහා වැරදි ගිණුම්කරණ ක්‍රම භාවිතා කරන ලදී.

සටහන:

2020 මහ බැංකු වාර්ෂික වාර්තාවේ වාර්තා වන පරිදි 2020 සඳහා රජයේ වියදම් සහ 2019 සඳහා සංශෝධිත සංඛ්‍යාව වැරදිය.

2020 ශ්‍රී ලංකා මහ බැංකුවේ වාර්ෂික වාර්තාවේ සඳහන් වන්නේ 2020 වර්ෂය සඳහා රජයේ වියදම දළ දේශීය නිෂ්පාදිතයෙන් 20.3% ක් බවයි. 2019 දී දළ දේශීය නිෂ්පාදිතයේ ප්‍රතිශතයක් ලෙස වියදම කලින් වාර්තා වූ 19.4% සිට 22.2% දක්වා සංශෝධනය කරන ලදී.

2019 සඳහා රජයේ වියදම සාදා ඇත්තේ 2020 දී දැරූ රු. බිලියන 422.6 ක මුදලක් 2019 ට මාරු කිරීමෙන් පසුව හෙයින් මහ බැංකුව විසින් වාර්තා කරන ලද සංඛ්‍යා නිවැරදි නො‌වේ. මෙය සිදු කර ඇත්තේ 2019 ට අයත් හිඟ ගෙවීම් සඳහා ගිණුම්කරණ අරමුණකිනි. මෙය 2019 දී වියදම් වැඩි කර දක්වන අතර 2020 දී වියදම් අඩු කර දක්වයි.

මුදල් අමාත්‍යාංශයේ 2019 වාර්ෂික වාර්තාවට අනුව ශ්‍රී ලංකාවේ ජාතික ගිණුම්කරණ ක්‍රමය වන්නේ වැඩිදියුණු කල මුදල් පදනම ගිණුම් ක්‍රමවේදයයි [2]. මෙම ක්‍රමය යටතේ, වියදම් සහ ආදායම හඳුනාගනු ලබන්නේ මුදල් ගෙවන විට හෝ ලැබුණු විට පමණි, එයින් අදහස් වන්නේ මූල්‍ය වර්ෂය අවසානයේදී වියදම් නොකළ අයවැය ප්‍රතිපාදන අවලංගු වන බවයි.

නවීකරණය කරන ලද මුදල් පදනම් කරගත් ගිණුම්කරණ ක්‍රමයට අනුව, 2020 දී සිදු කරන ලද රු. බිලියන 422.6 ක වියදම් 2019 ගිණුම්වල සටහන් කිරීමට අවසර නැත. වියදම් සඳහා මුදල් පදනම් කරගත් ගිණුම්කරණ ක්‍රමයෙන් බැහැරවී, අයවැය හිඟයට එළඹීමට අවශ්‍ය ආදායමට සමාන ගිණුම්කරණ පියවරක් යොදා නොගැනීමද වැරදි වෙයි. අයවැය හිඟය අඩු කිරීම සඳහා ගිණුම්කරණ මූලධර්මවලින් බැහැරවීම රාජ්‍ය මූල්‍ය සෞඛ්‍යය පිළිබඳ ව්‍යාජ හැඟීමක් ඇති කරන අතර එය ගිණුම් වංචාවට සමානය.

වැඩි විස්තර සඳහා Factcheck - https://bit.ly/2SQG485 බලන්න